LYKA
MAHIGIT isang taon na rin simula nang mawala sina Nanay Matilda at Daddy Arman. Binunggo ng malaking truck ang kotseng lulan nila habang papunta sila sa Baguio upang sunduin ako. Nag-alala daw sila sa akin nang malamang nahihirapan na akong pauwiin si Verex dito sa Maynila.
Hanggang ngayon ay isang malaking katanungan sa akin kung paano nila nalaman ang nangyaring iyon sa akin sa Baguio. Hindi ko naman kasi iyon ipinaalam sa aking ina. Imposible namang sina Verex at Sue. Hindi rin maaari si Fritz dahil wala naman siyang contact sa aking magulang.
Nang dahil doon kaya kulang-kulang dalawang taon na rin akong sinisisi nina Stella at Mama Lucila. Ako raw ang dahilan kung bakit namatay ang aking ina at stepfather. Lalo pa tuloy silang naging malupit sa akin. Ngayon na may dahilan na s
