LYKA
HUMAHANGOS na tinungo ko ang second floor ng bahay para maabutan ko si Nanay. Baka kasi sasama siya kay Daddy Arman sa pagpunta sa ospital. Naabutan ko silang dalawa na palabas ng kuwarto. Pero ang stepfather ko lang ang nakabihis.
“Lyka, anak!” sabay nilang wika sa akin nang makita nila ako. “Salamat naman sa Diyos at ligtas ka. Ano ba ang nangyari sa’yong bata ka at kagabi ka pa namin hindi makontak? Wala ka rin sa dorm mo,” pag-aalala sa akin ni Nanay habang sinasalubong niya ako.
Ganoon din si Daddy Arman. “Si Nanay mo muna ang bahala sa’yo, okay? Pupuntahan lang namin sandali ang Uncle Verex at Auntie Margaux mo sa ospital,” paalam sa akin ng stepfather ko nang yayain na siya nina Stella at Madam Lucila para umalis na.
Dahil sa sobrang kaba at pag-aalala kaya hindi na ako na
