LYKA
KAPANSIN-PANSIN ang pananahimik ni Verex simula nang umalis kami sa lake at nakabalik dito sa table namin. Nagsalita lang siya nang magtanong ako kung bakit hindi pa kami bumabalik sa hotel. Ang sabi niya, ngayon na raw kami kakausapin ng kasamahan niyang doktor regarding sa magiging heart donor ni Pablo.
Bukod doon ay wala na kaming napag-usapan na iba. Hindi katulad kanina na ang dami niyang kuwento. Kahit nitong mga nakalipas na araw ay ang bibo niyang kausap. Pero ngayon, daig pa niya ang parang namatayan.
Hindi ko tuloy maiwasang isipin na dinibdib niya ang kaalamang may boyfriend na ako.
At bakit naman niya iyon iisipin? Mag-asawa na sila ni Margaux. Ang babaeng mahal niya noon pa man.
“So, may boyfriend ka na pala,” sa wakas ay tanong ni Verex pagkatapos ng mahabang sand
