LYKA
HINDI na kinaya ng aking puso ang nakita kong pagmamahal ng aking asawa sa ibang babae kaya dali-dali akong lumabas ng kuwartong iyon. Muntik pa akong matapilok dahil hindi ko na halos makita ang aking nilalakaran sa dami ng luhang bumabalot sa aking mga mata. Wala akong alam na patutunguhan. Gabi na at bumuhos pa ang malakas na ulan nang dalhin ako ng aking mga paa sa labas.
Sinubukan kong kumuha ng kuwarto sa hotel ding iyon. Ngunit wala na raw bakante ayon sa receptionist na nakausap ko. Muli akong lumabas at sinubukang makakuha ng taxi para maghanap ng ibang hotel na matutuluyan. Ngunit kahit iyon ay ipinagkait sa akin ng tadhana.
Tumungo ako sa waiting shed na kalapit ng hotel at dito sumilong. Hihintayin kong tumila ang malakas na ulan bago ako aalis upang maghanap… Ang malak
