Ayaw pa sana nila akong iwan pero sinabi kong gusto kong magpahinga at umeepekto na ang gamot namimigat na ang talukap ng aking mga mata.
"Kapag may kailangan kayo Ma'am, tawag lang kayo," si Ate Linda na panay hagod sa buhok ko.
Tumango ako. "Salamat sa inyo Ate Marsha at Ate Linda... I will be okay. Don't worry," I assured them.
"Lakas talaga ng sapak niyan ni Ser eh! Dapat diyan iniiwa—"
"Sshh! Baka marinig ka! Pare-pareho tayong malintikan!" Pananaway ni Ate Marsha kay Ate Linda nang may hindi ito magandang sasabihin.
Kahit ako kinabahan baka nga marinig ni Ross at pati sila mapag-initan sila na nga lang ang may malasakit sa akin dito sa bahay, masisisante pa.
"Iwasan niyo magsalita o mag-komento sa kung anong nakikita niyo rito sa bahay lalo na kung paano ako tratuhin ng asawa k
