Matapos makawala sa asawa ay mabilis na pumasok sa silid at doon ay malayang pumatak ang mga luhang kanina pa pinipigilan. Wala na yatang pag-asang makuha ang loob o damdamin ng asawa. Buong akala niya noon ay madali na lamang niya makukuha ang loob nito ngunit mas mahirap pa pala sa inaakala niya.
"Ang lupit mo Grae," usal sa kawalan saka padapang humiga sa kama.
Bagsak ang katawan dahil sa mga nangyari kanina at mas lalo pang nanghina siya sa nalamang hanggang ngayon ay hindi siya makuhang mahalin ng asawa.
Ang kaninang hikbi ay tuluyang hagulgol hanggang sa nakatulugan na lamang ang pag-iyak ng labis na pagdadalamhati sa kapalarang siya ang may gawa.
Mukhang nahimasmasan naman si Grae nang makitang tila natigilan ang asawa sa sinabi niya. Hindi niya lang talaga napigilan ang bugso n
