"Ahhh!" malakas na sigaw ko nang tuluyan na akong makaahon sa tubig. Maliksi rin akong sumampa sa bangkang de motor, hanggang sa buksan ko na ang makina ng bangka. Kailangan kong makarating ka agad sa pangpang lalo at napapansin kong lumalakas na ang alon dito sa dagat.
Delikado ako rito oras na magtagal pa ako. Baka kung saan ako pulutin oras na may malaking alon ang dumaan at hampasin ang bangkang de motor na aking sinasakyan. Ang masama pa'y nagsisimula na ring bumuhos ang malakas na ulan.
Hindi nagtagal ay tuluyan na akong nakarating sa tabi. Sobrang bilis ng mga kilos ko para makaalis sa lugar na ito. Itinali ko muna ang bangka ni Manong, bago ako tuluyang bumalik sa aking bahay na inuupahan.
Subalit nakakailang hakbang pa lang ako ng mapatingin ako sa liwanag sa kaliwang daan. Ka
