Parang ipo-ipo akong tumakbo upang hindi mahabol ng mga tauhan ni Stanley. Maliksi akong tumawid ng kalsada, kahit na may mga nagdadaanan pa ng mga sasakyan.
"Hoy! Gusto mo bang magpakamatay?!" pasigaw na tanong sa akin ng driver ng jeepney.
"Oo sana! Kaso nagbago ang isip ko!" baliw na sagot ko. Pagakatapos ay muling tumakbo papalayo. Walang lingon-lingon akong tumakbo papalayo. At nang may paparating na tricycle ay agad ko iyong pinara.
"Pakibilisan nang pagpapatakbo nitong tricycle mo, Manong! Dahil nasusunog na ang bahay ko!"abnormal na sabi ko.
Kailangan kong sabihin iyon. Para mabilis akong makarating sa bahay na aking inuupahan.
"Jukso po!" kabadong sabi ng driver ng tricycle.
Hindi naglaon ay tuluyan na akong nakarating sa aking bahay. Alam kong may pagtataka sa mukha ng dri
