Mahigpit akong napahawak sa kahoy. Habang ang isang kamay ko naman ay hawak-hawak ang kamay ng Mommy ni Stanley.
"Tita, humawak ka sa kahoy!" utos ko sa babae nang medyo naangat ko na siya. Agad naman siyang sumunod sa akin. Hanggang sa tulungan ko na rin siyang makatungtong dito sa hagdan. Nakita kong halos maluha-luha ito.
Agad ko namang kinuha ang lubid ko. At inalagay sa aking bag na dala-dala. Dahil magagamit ko talaga ito kapag oras ng kagipitan.
"Maraming salamat, hija," maluha-luhang sabi ng babae sa akin. At halos yakapin ako ng ginang.
"Humawak ka po ng mabuti sa akin, Tita. Dahil kailangan nating makapunta sa 5th floor," paalala ko sa babae. Habang sinasalubong ang tubig na umaagos pababa.
Hanggang sa tuluyan kaming makarating sa 5th floor. Agad kaming lumapit sa pinto
