Sabi nila masarap sa pakiramdam pag pinamamasdan ang kagandahan ng buwan, ang liwanag nito kasama ng mga bituin sa langit na nagkikislapan.Yung naririnig mo yung kalmadong alon ng dagat habang dumadampi sa balat mo yung malamig na simoy ng hangin.
Nasa may dalampasigan parin kami ni Ford at magkatabing nakaupo sa buhanginan habang nakatingin sa magandang sinag ng buwan.Simula kasi na magkaliwanagan kami at maging maayos ang meron sa pagitan naming dalawa at parang ayaw nya ng mahiwalay sa tabi ko na sa totoo lang ganun din naman ang nararamdaman ko.Hindi man sya maalala ng isipan ko pero yung puso ko parang gusto laging syang kasama at nakikita.
Masarap din sa pakiramdam na ang isang Ford Rosales na kahit nasaktan ko sa di ko maalalang dahilan at kahit nagtanim sya ng galit para sa akin,
