NILAPITAN ni Freya sina Luke at Enma na kasalukuyang nakaupo sa tabi ng isang puno. Nakikita niyang nagdurugo ang balikat ng dalawa dahil may kung anong maliliit na sugat ang nakapaikot doon. Napaismid na lang siya nang makitang walang malay ang kanyang pinsan.
“Nasaan ang angas mo? Ikaw ang pinakamahina sa ating apat sa itsura mong iyan,” sabi ni Freya sa sarili na mabilis na tinanong si Enma kung ano ang nangyari sa balikat nila.
“Kinagat kami ng lobo. May kung ano sa mga laway nila, parang namamanhid ang katawan ko. Kung hindi naging Green ang aura ko, baka hindi ko natalo ang mga kalaban namin kanina...” sabi ni Enma na hihinga-hinga habang nakahawak sa kanyang balikat na kinagat.
Mula naman sa itaas, may mga berdeng dahon ang bigla na lang nalaglag sa harapan ni Enma. Napa
