KAKAIBA ang ikalawang gabing iyon nina Beazt sa loob ng ilusyong ginawa ni Shin para sa kanila. Kung ano ang ikinaliwanag ng buwan noong nakaraang gabi ay siya namang ikinadilim ngayon. Maliit na bahagi lang kasi ng buwan ang makikita sa kalangitan dahil ito ay tinakpan ng isang malaking kapuluan ng mga ulap.
Sina Beazt naman ay patuloy pa rin sa paglalakad. Sa tulong ng apoy ni Freya, hindi naging sagabal sa kanilang paglalakbay ang kadiliman ng gubat dahil sa liwanag na ibinibigay nito. Pero masyadong maliit ang kanilang nakikita dahil doon. Napapalibutan pa rin sila ng kadiliman at pakiramdam nila ay maraming mga mata ang kasalukuyang nakamasid sa kanila. Ngunit sa kabila noon, silang apat naman ay nakahanda naman sa anumang pwedeng mangyari sa kanila. Lahat sila ay nakikiramdam sa
