MABILIS na bumangon si Beazt nang siya ay magising. Agad din niyang pinagmasdan ang paligid at nakita niyang wala siya sa disyerto. Mabilis din niyang pinagmasdan ang kanyang mga palad, tila nasa isip niya ang itim na aurang kanyang nakita. Wala ang Black Aura na kanyang nakita subalit tila may kung anong naging epekto iyon sa kanya nang mga sandaling iyon.
“Mabuti’t gising ka na Beazt,” wika ni Enma na nakita niyang nakatayo sa kanyang harapan. Nakaabang ang kanang kamay nito upang siya ay alalayang tumayo.
“Kaya mo bang tumayo? Mukhang pinatulog ka ng gorilyang iyon ah?” dagdag pa nito. Ngunit tumayo si Beazt nang hindi man lang pinansin ang tulong na alok ni Enma.
Iniikot ni Beazt ang kanyang tingin sa paligid at napansin niya ang ilang lugar ay may mga nakataas nang mga tip
