WALANG malakas na pagsabog ang naganap sa harapan ng faculty building matapos ang atakeng iyon ng nakamaskarang lalaki. Si Beazt, nanatiling nakatayo matapos niyang saluhin ang malaking bola ng itim na enerhiyang itinira ng kalaban gamit ang sariling katawan.
“I-imposible...” wika ng lalaking nakamaskara na napaatras nang bahagya sa mga nangyari. Hindi niya alam kung paano, ngunit ang kanyang atakeng iniisip niyang papatay sa estudyanteng walang aura ay naglaho lang matapos iyong higupin ng katawan ng binata. Hindi lang iyon ang ikinaatras niya. Iyon ay sa dahil, ang lalaking nasa harapan niya ay nagkaroon bigla ng aura. Ang itim na aura na dumadaloy sa paligid, unti-unting sumasama sa katawan nito.
Si Beazt, napatingin naman bigla sa kanyang sarili. Ang sugat na tinamo ng kanyang
