The President's Lover ( BL )

“May anak ka hindi ba?” Pahalik na sa akin si Alejandro Vasquez no’n pero napigilan pa iyon nang tanong ko. This is our first intimate night simula nang bayaran niya ako para maging lover niya. Pamilyado siyang tao at may kambal na anak ayon sa nalaman ko. “Hindi ba makasisira sa iyo kung malaman nilang may relasyon ka sa sponsored artist ninyo?” Siya ang Director ng Ace Entertainment, may-ari ng isa sa kilalang channel at kilalang bilyonaryo. Kilala ang ACE Entertainment bilang pinakamagaling sa paghasa ng mga baguhang artista. Sila ang bukod tanging mas prayoridad ang artistang sila ang ugat at nagsumikap para magbunga. Isa naman ako sa nabigyan ng kontrata at bago pa lamang magkakaroon ng appearance sa television. “Kailangan mong itanong iyan sa ganitong pagkakataon?” Ngumisi ang mapula niyang labi. Hindi ako gay, hindi ko rin alam kung masasabi kong straight ako lalo at ilang beses na niya akong nahalikan at hindi ako nandiri sa halik niya. O nananalaytay lang sa dugo ko ang pagiging bayaran, ayon sa iba dahil bayaran ang katawan ng magulang ko ay mauuwi rin ako sa parehong hanap-buhay. Kinabig ko ang kanyang ulo at hinalikan niya na ako. Kung makonsensiya siya ibig sabihin lamang ay babawiin niya ang perang ibinayad niya sa akin. Hindi ako binabayaran gabi-gabi, nagkaroon kami ng kasunduan at halaga ng pera at titira ako sa lugar kung saan puwede niya akong puntahan nang mas mabilis. Ang pagiging artista ko ay pinaghihirapan ko hindi iyon dahil sa tulong niya. Hindi ko lang alam kung tinanggap niya ako sa ACE Entertainment dahil sa nagustuhan nga niya ako. Pero kung ganoon man, ipakikita ko na lamang na karapat-dapat ako. Lalo at pinaghihirapan ko ang bawat hakbang ko. Sabi nila, mayroon akong feminine feature. Siguro, dahil namana ko ang karamihan sa bahagi ng mukha ko sa aking ina. Iyong taas lang at kulay ang nakuha ko sa ama ko. Naging ligawin din ako ng lalaki nitong college, pero hindi ako naging abala sa pagtanggap sa kahit na sino bilang partner babae man o lalaki dahil mas gusto kong magpokus sa pag-aaral at mag-abang ng opportunity na sumikat. Napaungol ako sa pagitan nang halik namin, magaling siyang humalik. Walang namamagitang pag-ibig sa amin pero iyong init ng katawan namin tila kami sinisilaban na. Siya at ang pera pa rin niya ang sasagip sa magulang ko. Bahala na akong magdusa sa konsekwensiya. Hindi naman ako mamahalin ni Alejandro, paniguradong kapag nagsawa na siya ay hahanap rin siya ng iba. Lumalalim ang halik niya, bawat galaw ng labi’t dila niya’y tila ako nahihibang sundan iyon at tularan. Siya ang una ko sa lahat-lahat. Kinakabahan ako pero tanggap ko na, nabayaran na ako, at kailangan ko nang ibigay ang serbisyo nang kabayarang ibinigay niya sa akin.