Adrian:
WALANG KAPANTAY ANG sayang nararamdaman ko na sa wakas ay kasal na kami ni Lira. Kahit alam kong hindi niya ako gusto at labag sa loob nito ang pagpapakasal namin ay hindi 'yon naging kabawasan sa aking saya. Ang mahalaga ay kasal na kami. Asawa ko na siya.
Aminado akong may takot rin naman akong nararamdaman sa puso ko. Takot, dahil paniguradong masasaktan lang ako sa pagsasama naming dalawa. Pero mas nangingibabaw ang kagustuhan kong maging asawa ito. Sisikapin kong magpakatino para sa kanya, pagsisilbihan ko siya sa abot ng makakaya ko. Para pagdating ng araw na ipapawalang bisa na niya ang papel naming mag-asawa? Wala akong pagsisisihan.
Arrange marriage lang ang kasal namin. At nagpakasal lang siya sa akin dahil mahal na mahal niya ang lolo niya at ayaw niya itong maatake n
