Halos isiksik ko na ang aking sarili sa gilid ng pintuan ng banyo nang mabuksan niya ang pintuan noon at nang akma niya akong hahawakan upang marahil ay tulungang makatayo dito. May tapis na ng tuwalya ang kanyang beywang, tanging ang itaas na bahagi na lang ng kanyang katawan ang nananatiling hubad. Seryoso na ang mga matang nakatunghay sa akin. Kulang na lang ay yakapin ko ang aking sariling katawan upang makalayo lang sa kanya dahil sa labis na hiyang akin pa 'ring nararamdaman ngayon doon.
“Huwag mo akong hahawakan...” muling ulit ko sa aking huling tinuran ngunit may haplos na iyon ng pagiging mapagkumbaba, hindi na iyon pasigaw na kagaya kanina dahil kumakalma na ang nagwawala kong damdamin kanina. “Pakiusap, huwag...”
Nabitin sa ere ang kanyang dalawang kamay na akmang tutulungan
