Gusto kong magsisigaw ng mga sandaling iyon dahil parang hinaplos ng kung anong init ang aking puso habang nakatingin pa rin sa kanyang mga matang ngayon ay mapungay na at nakaburo sa akin. Tila ba pilit niyang idinudugtong ang kanyang kaluluwa sa akin. Ayaw kong mag-assume pero kitang-kita ko ang kakaibang paghangang nababalot sa kanyang mga mata ngayon. Hindi ko alam kung bakit sa kanyang mga sinabi ay naaaninag ko ang sincerity doon ng kanyang mga salita na parang sobrang komportable rin niya sa aking sabihin ang mga bagay na iyon. Hindi ko naisip noon na sa hinaharap ay darating pala kami sa puntong ganito, ni hindi ko nahulaan na sa kabila ng pagiging masungit niya sa akin noon, hindi pagpansin at hayagang pagpapakita ng pagkadisgusto ay heto, magkakaroon kami ng pag-uusap na para ban
