Sa aking narinig ay pakiramdam ko ay naging kulay papel na ang aking mukha, lalo na ang aking labi na bagama't hinaplusan ko ito ng lipstick na kulay pula ay nararamdaman ko pa rin ang agarang pamumutla. Pakiramdam ko ay para akong tinakasan at papanawan na ng aking ulirat at lakas. Tama nga ako, ang kliyente ko ang nasa kabilang linya at sa malamang ay hinihintay na ako nito ngayon!
“Y-Yes, ako nga po ito at...” nauutal na tugon ko na hindi na alam kung ano pa ang aking idudugtong, aaminin ko na I was stunned at his voice. Iba ang dating noon na para bang pamilyar sa akin ang pagkakabanggit niya ng aking pangalan, “N-Nasa harap na ako...”
“Good. Nakapasok ka na ba ng hotel?” muli niyang tanong na para bang nakikipag-usap lang sa akin ng normal, hindi ko namalayan na ang kabang aking nar
