"Ito na nga bruha!" reklamo ni Patty nang minamadali siya ng kaibigang si Speed na bilisan niya ang pagbihis.
Hindi na nga niya tinagalan ang pag sha-shower at kaagad siya nitong kinatok sa banyo. Hindi pa naman kontento si Patrish sa mabilisang ligo. Pinakamabilis na niya ang kalahating oras.
"Ako na ang maglagay ng makeup sa'yo Queen bilis," ani nito at hinila pa siya patungo sa kan'yang kama.
"Tigilan mo nga ako Inday at baka gawin n'yo na naman mukhang espasol ang mukha ko!" protesta ni Patty sa kaibigan.
Naalala ni Patrish ng minsan silang mag bar ni Sapphire, aba'y kinapalan ang foundation sa kan'yang mukha kaya kinabukasan halos isumpa niya ang kaibigan dahil may tumubong mga maliit na tigyawat sa kanyang mukha.
"Hindi 'yan, talaga naman na hindi marunong si Sapphire na mag-ayo
