"Kuya Grey ikaw na ang mag hatid kay Esha sa bahay nila mamaya ah," Georgina said habang nag-iinuman pa ang lahata pati si Esha patuloy pa rin ang pag inom habang nakikipag kwentuhan sa mga pinsan niya. Hindi nga niya inakala na malakas din pala itong uminom. Wala kasi sa itsura at pananamit nito na kaya pala nitong tumagal sa inuman.
Masyadong makaluma ang tingin niya kay Esha, mula ulo hanggang paa eh luma ang style nito, kaya hindi niya inakala na umiinom pala ito ng alak. Akala nga niya KJ lang ito sa party dahil hindi nito kayang sabayan ang mga pinsan niya, lalo na ang kapatid niyang Georgina. Nagkamali siya roon, hindi naman KJ si Esha, marunong itong makisama at sumabay sa kanila, sadyang pananamit lang ang naiiba nito, katulad din naman nila ito na kayang magsaya pag may alak.
