Chapter 13
Angela
After 2 weeks
Malalim akong nagbuntonghininga habang tanaw ang malawak na lupain sa kung saang lupalop ng mundong ito. Mula sa labas ng puting bahay nakatayo ako habang bitbit ang isang basket. Pasalamat na lamang ako dahil hindi ako pinatay ng lalaking kumidnap sa akin. Pinahilom niya lang ang ibang mga latay sa aking katawan saka niya ako pinakawalan. Mahapdi pa ang iba kong latay at parang nagsususgat-sugat pa ito.
Subalit hindi ko nakita ang kaniyang mukha dahil nakapiring ang mga mata ko nang umalis siya. Ang katiwala niya sa bahay na nagngangalang Ester ang siyang nagpalabas sa akin sa basement. At ngayon ay binigyan ako ng damit saka basket na lalagyan ng mga kape.
Bilang kapalit ng buhay ko magiging alipin ako sa mundong ito. Kapalit ng buhay ng aking ama, ak
