Lihim ko namang na-appreciate ang ginagawang paggalang at pagpapahalaga ni Matt sa akin. Para rin itong si Carlos sa kaniyang ginagawa.
Dahil sa daming beer na aking nainom ay agad akong nakatulog. Hanggang kinabukasan ay hindi ko na namalayan kung anong oras na. Nagising na lang ako nang may narinig akong ingay mula sa labas ng kuwarto. Tiningnan ko ang aking relo at mag-alas-dose na pala
"Hala! Tanghali na pala!" bulalas ko at dali-daling bumangon. Kahit masakit ang aking ulo ay hindi ko na ito iniinda sapagkat naunahan na ako ng hiya para kay Matthew.
Lumabas ako sa kuwarto na nakahawak pa sa aking ulo dahil para itong sasabog sa sobrang sakit.
"Matt ... Matthew?" sambit ko sa kaniyang pangalan.
"Dito ako, Ange!" pasigaw niyang sagot.
Narinig ko ang kaniyang boses mula sa kusina
