Nakita ko mula sa bintana ang pagdating ni Matthew, at tamang-tama dahil tapos na naming naayos ang hapag-kainan. May kumatok sa pinto at alam kong si Matt na iyon, kaya agad ko nang binuksan ang pinto.
" Hi, Ange ..." nakangiting bati ni Matt sabay yakap sa akin nang napakahigpit.
"Hello ..." tugon ko at may kasamang halik sa kaniyang pisngi.
"Good afternoon, Tita!" bati niya sa aking ina.
"Magandang hapon rin, Matt. Tama ang pagdating mo dahil naka-ready na kami sa lamesa," tugon ng aking ina.
"Salamat po!" aniya.
"Ange, ito pala ang manggang hilaw at ang sampalok na hilaw," sabi niya sabay abot sa dalawang supot na kaniyang bitbit.
"Buti naman at nakahanap ka. Hmmm ... naglalaway talaga ako nito, salamat, Matt!" sabi ko at dali-dali kong kinuha ang supot na talagang sobra akong
