HAPPY
NAUNA akong makabalik sa bakuran namin. Pero nakita ko sa kusina niya si Ray na patapos na ring magluto kaya hindi na siya pinuntahan para tulungan. Inilatag ko na lang ang blanket na dala ko. Umupo muna ako pagkatapos habang hinihintay ko siya.
Kapagkuwan ay napatingin ako sa bahay ni Ray nang marinig ko ang pagsara ng pinto niyon. Nakita ko siya na naglakad papunta rito. Bitbit niya sa isang kamay ang bote ng wine. Sa kabilang kamay naman ang tray na may wine glass at pinggan na may lamang fried prawn crackers. Nakasunod lang ang mga mata ko sa kaniya.
“Ang tagal ko ba?” tanong niya sa akin nang makalapit siya. “Nasunog kasi ang naunang batch na niluto kaya nagbukas uli ako ng bago.”
Natawa ako. “Dapat kasi tinawag mo ako para natulungan sana kita. Hindi na kita pinuntahan kas
