HAPPY
HINDI ko na naitago ang sunod-sunod na paglunok ko nang ihinto ni Ray ang paglapit ng kaniyang mukha sa mukha ko, nang ilang hibla na lang ang pagitan. I can smell his minty breath already. And it’s driving me crazy. Nagbawi ako ng tingin nang maramdaman ko ang pag-iinit ng aking mukha. Nag-alala ako na baka mabasa niya ang emosyong nakapaloob sa mga mata ko sa mga oras na ito.
“Happy…” bulong niya sa pangalan ko at muling itinuloy ang paglapit ng kaniyang mukha. Our lips were almost touching.
“B-bakit, Ray? Hahalikan mo ba ako?” lakas-loob na tanong ko. Kasi hindi ko alam ang binabalak niyang gawin maliban sa halikan ako. At ngayon pa lang ay hindi ko na alam ang magiging reaksiyon ko.
“Depende. Kung papayagan mo ako,” sagot niya habang may pigil na ngiti sa kaniyang mga labi.
