HAPPY
ILANG araw na rin simula nang lumipat kami ng tirahan ni Kaycee. Alam ko na nalulungkot siya dahil nasanay na siya sa dating tirahan namin at sa school na pinapasukan niya. Pero kailangan ko siyang ilayo at itago mula sa ama niya dahil sa banta na rin nito.
Papunta ako sa dating tirahan namin para hakutin ang natitira naming mga gamit. Pinili ko na sa gabi pumunta rito para makaiwas kay Jeffrey sakali mang sinusundan pa rin niya ako. Marami siyang pera at malawak ang connection. Kapag hindi ako naging maingat, hindi malabong matatagpuan lang niya uli kami.At kung puwede nga lang na pati sa trabaho ko ay mag-resigna na rin ako.
Pero wala akong ibang pagkakakitaan maliban doon. Paano ko na lang bubuhayin si Kaycee kung mawalan ako ng trabaho?
Bitbit ko na ang dalawang backpack na n
