Nakarinig ako nang malakas na putok ng baril. Nagkatitigan pa kaming dalawa ng lalaki bago ako dahan-dahang mapaupo sa sahig.
Mabigat ang aking paghinga habang hindi malaman kung sisigaw ba o tatakbo habang pinagmamasdan ko ang wala nang buhay na lalaki sa harapan ko.
“Brie!”
Napatalon ako nang may humawak sa aking balikat. Napatingin ako sa gilid ko at nakita ko si Adonis. May hawak din siyang baril sa isang kamay.
Parang doon lamang ako nabunutan ng tinik sa dibdib dahil kahit papaano ay alam ko na ligtas na ako at wala na sa bingit ng kamatayan.
“Patay na ito,” sabi ni Isaac nang sinipat iyong lalaki kung may pulso pa ba.
Muling bumaling sa akin ang dalawang lalaki at tinanong ang kalagayan ko. Nanginginig naman ang buong katawan ko at hindi makapagsalita nang maayos. Ni hindi ng
