Nakarating na kami ngayon sa kanyang condo. Nag-park siya at sumakay na kaming dalawa sa elevator.
Bitbit ko ang dala kong bag habang si Gio naman ay nakapamulsa ang isang kamay. Pinindot niya ang button ng penthouse sa elevator dahil doon ata siya nakatira.
Hindi ba sa penthouse nakatira iyong mayayaman na tao? Hindi na ako magtataka, halata naman talagang mayayaman ang mga Benavidez.
Nakarating kami roon at pagbukas pa lang ng elevator ay may dalawang lalaki nang sumalubong sa amin. Magalang nilang binati si Gio. Tinanguan lang naman sila ni Gio at naglakad na. Sumunod na lang ako kay Gio kahit na nagulat ako sa presensya ng dalawang lalaki. Nakakatakot sila. Masyadong seryoso iyong dalawang lalaki.
Pumasok na kami sa loob ng penthouse at halos malaglag ang aking panga sa nasaksihan
