Sabado ngayon pero sa maniwala kayo o hindi ay wala si Gio sa bahay. Nagpapasalamat na lang din ako dahil hindi ko siya kailagang harapin ngayon. Masyado nang maraming gumugulo sa isipan ko kaya mabuti na ring makapagpahinga ako sa kanya.
Umalis siya kanina at hindi ko alam kung saan siya pumunta. Si Hara naman ay kahapon pa wala. Balita ko ay nasa Manila siya.
Wala kaming ginagawa kaya naisipan naming tumambay muna sa may tindahan ni Aling Shirley. Hindi ako pala-inom ng soft drinks pero dahil sa sobrang init ay napabili rin ako.
“Darami na naman ang lalaki rito sa bahay!” sabi ni Mildred. Napatingin ako sa kanya pero hindi ako nagsalita. Hindi ko makuha kung ano iyong sinasabi niya.
“Ha? Marami na namang mga lalaki sa atin, ah? Iyong ilang boy, guards, at drivers,” sambit naman ni E
