Prologue
892 Words
"5... 4... 3... 2... 1... Time is up."
Agad napabagsak ang katawan niya sa sahig na punong-puno ng pawis. Binigay ko sa kan'ya ang towel niya.
"Here," sambit ko sabay abot sa kan'ya ng towel. Agad naman niya itong inabot sabay tayo mula sa sahig.
"Relax ka muna, patuloy na lang tayo mamaya, bro," patuloy ko pa at saka nilagpasan siya at nagtungo ako sa bench na nasa gilid at umupo, nakita kong naglakad din siya papalapit sa akin.
"Want some water, too?" Abot niya sa akin sa tubig na ininom niya.
"Disgusting, Ferrell, I have my own Aqua Flask," saad ko sabay pakita ko sa kan'ya ng Aqua Flask ko.
I'm Zacxheus Trevisani, 25 years old, gym instructor is my full time job, and this is my story.
"So, kailan ka ba mag-aasawa?" Paglipat ni Vaughn ng topic at saka umupo sa tabi ko. Nagmamasid lang ako sa paligid at pinapanood ang ibang mga tao na nag-gy-gym.
"I don't have time for that," malamig kong sagot at hindi pa rin siya tinitingnan.
"Marami namang chix dito sa gym, oh, ba't wala kang nagugustuhan?"
Nilingon ko siya at masama ko siyang tiningnan, "Pala desisyon ka, Ferrell? Ikaw na lang kaya maging Zacxheus?"
"Kung ako papipiliin? Sige, go ako, basta 'yung katawan lang, ang guwapo ko na para ipalit ang pagmumukha mo sa kaguwapuhan ko," mahangin niyang saad.
"Tsk... Mas guwapo pa rin ako," napa-ismid ako at siningkitan siya ng mata.
"So, kailan ka ba babalik sa Italy? It's been a while since nanatili ka rito sa Pilipinas, marami namang magagandang trabaho roon sa Italy pero pinili mo pa ring manirahan dito sa Pilipinas?" Seryosong tanong niya.
Napasandal naman ako sabay buntong-hininga. "Hmm, I don't know. I choose to live here. Palagi na lang akong naka-depende sa parents ko kung nandoon ako sa bansa namin, tapos maganda ang Pilipinas, pangarap kong tumira rito bata pa ako."
"Well, desisyon mo 'yan," saad niya sabay inom ng tubig na nasa plastic bottle.
Tumayo na ako, "Come on, let's continue." Nauna na akong umalis sa tabi ni Vaughn at saka ay bumalik doon sa puwesto namin.
Saktong pagdating ni Vaughn sa puwesto namin ay nakarinig ako ng sigawan doon sa hindi kalayuan. Napatingin kaming dalawa ni Vaughn doon sa puwesto na 'yun.
"m******s! Kitang-kita ko kung paano mo minanyak ang babaeng 'yan!" Pagsisigaw nung isang babae doon sa katrabaho kong gym instructor din.
Agad akong naglakad palapit sa kanila at sumunod naman si Vaughn, nasa likod ko siya. Nakarating na ako sa puwesto nilang tatlo, ang gym instructor na katrabaho ko, 'yung isang babae, at 'yung babaeng nagsisigaw.
"Huwag ka ngang magsalita ng kasinungalingan, babae ka! May proof ka bang minanyak ko itong trainee ko?" Depensa ni Mike, katrabaho ko.
"Oh, come on, mister, kitang-kita ng dalawang mata ko, singkit man ito pero mas malinaw pa 'to sa budhi mo!" Sumbat nung babae. Matangkad ang babaeng ito, na sa mga 6ft tapos maganda siya, may lahi ring western, bughaw ang kulay ng mga mata niya katulad sa akin at singkit ito na subrang gandang tignan na para bang may masamang balak ang mga matang ito na kahit kailan ay parang sasakmalin ka.
"Okay, okay, what's going on here?" Putol ko sa hidwaan nila. Lumipat ang mga matang iyun sa akin, puno ito ng galit at parang papatayin ako sa tingin, magandang mga mata na para bang may kung anong tinatago sa loob nito.
"Eh, kasi itong babaeng 'to, kahit ano-ano pinagsasabi, nag-iimbento ng estorya," duro-duro ni Mike sa babae.
"Miss Ganda, huwag po kayong mag-eskandalo sa gym, maraming tao rito at pinagtitinginan na kayo, so please—"
"Sisantehin mo ang hayop na 'to," putol niya sa sasabihin ko habang turo-turo niya si Mike.
"Pero—"
"Now!" Ma-awtoridad sa sambit niya.
"At anong karapatan mong sisantehin ako, babae?!" Galit na sambit ni Mike.
"Para matigil ka na!" Nanlilisik na mga mata ang ipinukol nung babae kay Mike.
"Miss, wala po kayong karapatan na pagsalitaan ng gan'yan si Mike, at isa pa, wala po kayong karapatan na mag-utos sa akin na sisantehin ko ang katrabaho ko—"
"Pwes, kung ayaw mong tanggalin ang lalaking ito sa trabaho, ako ang magpapa-alis sa inyong dalawa rito," putol niya sa mahinahon kong salita at tiningnan kaming dalawa ni Mike.
"Miss, hindi po kayo ang may-ari ng gym na ito, at wala po kayong karapatan na tanggalin kami sa trabaho," pagpipigil ko, ramdam kong hinahagod ni Vaughn ang likod ko para pakalmahin ako.
"We'll see, blue-eyed guy," walang emosyong sambit niya at umirap sa akin at umalis sa harap namin. Tiningnan namin siya papa-alis habang bitbit ang gym bag niya.
Nang nawala na siya sa paningin namin ay saka kami nagtawanan lahat dito sa gym.
"Akalain mo 'yun? Eskandalosa na nga, ma-awtoridad pa! HAHAHA!" Hindi ko na mapigilan ang sarili kong tumawa at nagtawanan naman ang mga tao rito. Nako! Sumasakit tiyan ko sa kakatawa.
"Grabeng babaeng 'yun, grabe!" Napa-palakpak ako sa tuwa.
"Blue-eyed guy daw," sambit ni Vaughn at nagpatuloy ang tawanan sa loob.
Dumating ang gabi at natatawa pa rin ako sa nangyari kaninang umaga, grabe, buong-buo ang araw ko ngayon. Pero, maganda ang babaeng 'yun. Ngayon ko lang din siya nakita sa gym, mag-iisang buwan na ako sa trabaho pero ngayon ko lang din siya nakita rito. May kamukha siya, pero hindi ko matyansa kung sino.
- Writer
