Julian's POV
Kararating lang namin ng Tagaytay. Isa nga itong napakalaking hacienda na pag-aari ng mga Dale. Nagbabaan na ng mga sasakyan sila Marcus habang ako ay nasa loob pa rin ng sasakyan kasama ko ang asawa ko at hinihintay kong pumasok dito sa loob si Lyka at si Janine na nakasakay pa rin ng kanilang motor.
"Bakit hindi ako pwedeng sumama sa loob? Hindi na naman ako katulad ng dati na mangmang at walang nauunawaan. Naiintindihan ko na ang lahat lalo na ang trabaho mo at ang pagkatao mo," wika ng asawa ko. Nakikita ko sa kanya na masama ang loob niya dahil kanina pa niya gustong sumama, pero sabi ko ay may aalamin muna ako kung bakit ang mga kinikilalang magulang niya ay kailangang makausap ni Orion. Wala pa siyang alam sa tunay niyang pagkatao. Ang balak namin ay sabihin sa kanya
