────⊱⁜⊰────
Magkakasama ngayon sila Julian at Marcus na kumakain sa isang mamahaling restaurant. Napag-uusapan nila ang nalalapit na kasal ni Sammy. Isang linggo na lang kasi ay isang magarbong kasalan na ang magaganap kay Sammy at Maricris.
"Nga pala, kamusta naman ang mag-ama sa bahay mo? Ilang linggo na rin na naninirahan sa inyo ang ama ni Nimfa at nakikita namin ang napakalaking pagbabago ng asawa mo. Sopistikada na rin siya sa kanyang pagkilos at pananamit. Ibang klase ka talagang mag-alaga at magmahal," sabi ni Marcus.
"Si Nimfa ang babaeng dapat alagaan at mahalin. Siya ang klase ng babae na handa kong ibigay maging ang aking buhay," sagot ni Julian kaya tinapik siya ni Marcus sa kanyang balikat.
"Natutuwa ako sayo bro dahil tuluyan mo na talagang nakalimutan ang kagagahang gin
