────⊱⁜⊰────
Katatapos lamang maligo ni Julian, palabas na sana siya ng kanyang silid ng tumunog ang telepono niya. Tinignan niya ang caller at ng makita niyang si Marcus ito ay isinara niya ang pintuang binuksan niya at nagtungo siya ng balcony ng silid niya.
"Yes?" simpleng sagot nito sa kanyang kaibigan ng tinanggap niya ang tawag ni Marcus.
"Buti naman at tinanggap mo na ang tawag ko, kahapon pa kita tinatawagan pero hindi mo sinasagot ang mga tawag namin sa iyo," inis na sagot ni Marcus sa kanyang kaibigan.
"Yeah, sorry about that. Inutusan ako ni dad na asikasuhin ang problema sa kumpanya na nasa Pampanga kaya maghapon akong wala at halos alas dos na ng umaga ako nakauwi. Dead batt na rin ako kagabi kaya wala na akong natatanggap na tawag at tinamad pa akong mag charge," sagot nit
