Nimfa's POV
Pagkatapos kong makausap si Sumpa sa telepono ay mabilis na akong lumabas sa aking silid. Kanina pa nila ako pinapalabas upang harapin si Ate Tessa pero hindi talaga ako lumalabas at iyak lang ako ng iyak sa silid ko. Kasi nangako sa akin si Sumpa na hindi siya aalis at hindi niya ako iiwanan pero nagsinungaling siya sa akin. Pag-gising ko ay hindi ko na siya nakita pa dahil maaga pa lang daw sabi ni tatay ay umalis na sila.
"Nanay, 'yung pangako ninyo sa akin ha. Gusto ko ako ang manghuhuli ng bayawak para kay Sumpa. Akala siguro niya dahil bibilhan niya ako ng maraming sapatos ay makakalimutan ko na nagsinungaling siya sa akin. Dapat may parusa siya sa akin at bayawak ang ilalagay ko sa kanyang silid pagdating niya."
"Takot si Julian sa bayawak anak." Nginusuan ko lang si
