Julian's POV
"Eww! Seryoso ka sa sinasabi mo? Piniritong itlog na may asukal ang iniluto ng asawa mo sa iyo?" ani ni Nato na nakangiwi pa.
Sinamaan ko naman siya ng tingin lalo na ng nagsimula na silang magtawanan.
"Tama na nga 'yan at baka magkapikunan pa kayo," ani ni Marcus.
"Tara kain tayo sa labas at hindi pa ako nagtatanghalian. Tapos na naman ang meeting mo kaya kain muna tayo sa restaurant mo Julian," wika ni Marcus kaya tumango ako at sinalansan ko na ang mga papeles na nakakalat sa ibabaw ng desk ko at nag-aya na akong umalis.
Pagkarating namin ng Juliano Cuisine ay iniutos kong lutuin ang lagi naming inoorder na pagkain. Nagkuwentuhan muna kami ng tungkol sa mga trabaho namin habang hinihintay namin ang mga pagkain namin.
Hindi naman nagtagal ay isa-isa ng inihahain sa ami
