Introduction
Nanlaki ang mga mata ni Sidney nang makita ang lalaking kahapon lang ay sinagot niya. Pang-ilan na ba? Pangsampu niyang boyfriend ang gwapong taga LTO na ito. Kahapon kasi ay ayaw niyang mahirapan sa pag-register ng bago niyang Lamborghini Aventador na kulay pink, kaya ang matagal na niyang manliligaw na si Loyd ay sinagot niya ora mismo pero ngayon ay balak na niyang i-break.
Wala kasi syang pangarap na maging boyfriend kundi si Royce lang, kaya lang abot langit ang pagka ayaw sa kanya ng lalaki na iyon dahil daw komikera sya at walang katinuang kausap, kaya ang mga nagiging bf niya ay katuwaan lang niya, tulad ni Loyd.
Masakit man tanggapin ay ginamit lang niya ang lalaki para mapabilis ang registration sa LTO. Aba! Nakapagdate naman sila kagabi kaya bayad na sya. Buryong na buryong siya sa lintik na oras na ginugol niya sa restaurant, kaharap ang lalaking iyon na ni sa bangungot ay hindi niya pinangarap na maging boyfriend.
Sa pagmamasid niya at paghahanp ng matataguan ay may biglang nakaagaw ng kanyang atensyon.
Hindi niya alam kung saan sya magtatago pero napakalinaw ng mata niya na makita niya ang isang matangkad na lalaking nakatalikod. Mukhang gwapo iyon, alam niya. Ipakikilala niyang bagong boyfriend iyon kay Loyd para break na sila. Tama yun nga. Gagamitin niya ang talikodgenic na lalaki.
"Babe!" sigaw ni Loyd kaya mabilis syang tumakbo palapit sa lalaking nakatalikod at walang babalang yumakap sa braso niyon.
At sa pagkagulat niya nang sipatin niya ang mukha nito ay, "R-Royce?!" laglag na naman ang panga niya sa kagwapuhan ni Rolls-Royce.
Ito ang ultimate crush niya simula elementary na lagi niyang pinachacharmingan pero di sya pinapansin.
Nangunot na kaagad ang mukha nito pagkakita sa kanya. Parang maya mya lang ay ipapa buttocks na niya iyon. Tiyak hayblad na naman ito sa presence niya.
Susot pa more Sidney na maganda!
"Babe, sino yan?" tanong ni Loyd ng makalapit sa kanya. Mapakla pa sa saging na hilaw ang tabas ng mukha ng lalaki at nakatunganga sa kanilang dalawa.
"B-boyfriend ko, Loyd," ngumisi pa sya rito.
"Excuse me?/ What?" sabay na tanong ni Royce at ni Loyd sa kanya. Parehas din na nagtagis ang bagang ng dalawa at sabay pa.
"Excuse me, I'm not—" ani Royce na hindi niya pinatapos.
Bigla niyang hinalikan ang kababata na napatda pa sa kinatatayuan. Inilapat lang niya ang labi niya sa labi nito. Di sya marunong humalik, malay ba niya sa paghalik. Okay na rin at least kahit lapat lang, basta maisalba niya ang sarili, naka shansing pa siya.
Yaahoo! Chansing na ako! Base one!
Tumikal siya sa kababata at nanginginit na sobra ang mga pisngi niya, "Boyfriend ko to Loyd. Break na tayo, I'm sorry," aniya sabay takbo ng mabilis bago pa sya suntukin ni Royce.
"Ang sarap! Sa uulitin sweetheart!" sigaw niya sa binata na parang gigil pa dahil sa ginawa niya, kaya nag flying kiss pa sya.
Para tuloy nawala ang poise niyon na parang a-attend sa red carpet ball sa pormahang pang Hollywood.
Napakagwapo naman talaga ng pangarap niya.
Mabilis syang sumakay sa sasakyan niya at pinakaripas yun ng takbo nang walang kasing tulin.
Sidney is an agent. She's hot, definitely. She's beautiful. She's…Miss coolness—yhe mahangin female version because she’s the daughter of her father, Onxy Stefan, ang Mahangin na agent na nagpatibok sa pihikang puso ng kanyang ina.
At kinikilig sya dahil nachansigan na niya si Royce. First kiss niya yun at sasampuan pa niya ang poging binata kapag may pagkakataon.
