Third Person’s POV
Tulad nang ipinangako ni Leny, tinulungan nito si Zaida na makadalaw kay Grey sa ospital. Dalawang araw na lang ay madi-discharge na ang binata kaya naman sinamantala iyon ni Zaida, mas mahihirapan na siyang makita ang aktor dahil kapag nakalabas na ito ng ospital ay sa kanilang ancestral house na ito dideretso.
Alas onse ng gabi, wala ng gaanong tao at bawal na ang mga bisita. Iyon ang tamang oras para kay Zaida, suot ang uniporme na pang nurse ay dumiretso siya sa private room ni Grey. Huminga muna siya ng malalim bago pinihit pabukas ang pinto. Abot-abot ang kanyang kaba. Pagpasok niya sa loob, katulad ng mga napapanood sa mga pelikula na kapag may mayamang tao na nao-ospital sa palabas ay magagara ang mga silid nito. Ang kwarto ni Grey ngayon ay hindi mo mapagkaka
