Sa rancho siya balak dalhin ni Ryder pagkatapos nilang mag-agahan pero umayaw siya dahil magsisimba siya. Every Sunday siyang uma-attend ng misa kaya gusto man niyang sumama ay hindi maaari. Akala niya ay tutuloy itong mag-isa sa rancho pero hindi at biglang nagdesisyong sumama sa kaniya.
"Paano ang trabaho sa rancho? Hindi ba't kailangan ka ngayon doon?" tanong niya. Mula Lunes hanggang Biyernes ay nasa Hermanos si Ryder. Tuwing Sabado at Linggo naman ay nasa Rancho ito. Sa buong linggo, wala itong pahinga. Hindi naman ito kailangan sa rancho pero pumupunta pa rin tuwing weekends para tulungan ang ama. May edad na si Don Edmund at hindi rin ito puwedeng mag-full time para sa rancho dahil hindi pa lubusang magaling ang donya.
"May mga trabahante naman doon kahit Linggo. Hindi naman sil
