CINDY POV
Ganito pala ang pakiramdam kapag nakikita mo na ang sarili mo sa harapan ng salamin suot ang isang wedding gown. Hindi ako makapaniwalang ikakasal na ko. May part lang sa ‘kin na malungkot dahil hindi natupad ni Lolo ang sinabi niya na siya ang maghahatid sa ‘kin sa altar.
"Mukhang konting adjustments na lang naman po ang gagawin." Umikot ang babae sa gown sabay ngiti sa ‘kin. "Ang ganda mo pala. Totoo nga ang kwento ng mama mo sa ‘kin."
Ngumiti lang ako habang nakatingin pa rin sa malaking salamin. Sa sobrang haba ng gown ko, para kong prinsesa. Nakakatuwa nang sobra.
"Ready na po si Ma'am? Naghihintay na po si Mr. Sanchez sa labas." Mabilis akong napatingin sa pumasok na staff nang sabihin niya ang aplido ni Sean. Bigla akong kinabahan. Inalalayan nila kong bumaba ng fitti
