"May galit ka ba sa 'kin?" tanong ni Shaira kay Ivan. Kanina pa kasi masama ang tingin ng lalaki sa kaniya. "Kung makatingin ka sa akin akala mo naman ginawan kita ng masama. Uuwi rin ako kaya 'wag kang mag-alala. Akala mo naman dito na ako titira sa bahay na 'to."
Tiningnan siya nito ng walang ekspresyon na para bang sinasabi nito na wala itong pakialam sa mga pinagsasabi niya. "'Yong mga prutas na kinain ko, babayaran ko rin 'yon. Pag-uwi ko mamaya pupunta kaagad ako sa supermarket at lahat ng prutas doon ay bibilhin ko para maibalik ko sa ref ang mga kinain ko. Para 'yon lang napakasama na ng tingin mo sa akin samantalang hindi ko naman sinayang ang mga 'yon."
"Umuwi ka na dahil masakit na ang ulo ko. Imagine, madaling-araw na pero gising pa tayo dahil ayaw mo pang umuwi."
"Gusto mo
