Hindi mapakali si Shaira dahil ilang araw na niyang hindi nakikita ang lalaking lagi niyang inaabangan at 'yon ay walang iba kundi si Ivan.
Isang linggo na kasi simula nang huli niyang makita ang lalaki.
Nabigo kasi siya sa plano niyang pag-iimbestiga sa totoong trabaho nito noong nakaraang linggo.
Nakatulog kasi siya noon sa buong maghapon dahil sa sobrang puyat.
Paggising niya ay wala na si Ivan sa bahay nito. Lahat kasi ng ilaw sa loob ng kabahayan nito ay nakapatay na.
Paano niya nalaman? Siyempre, ginamit niya ang hagdan niya at inakyat niya ang gate nito.
Doon niya na-confirm na natakasan siya nito.
Ngayon ay nakatingin siya sa entrada ng restaurant niya habang nakapangalumbaba sa isang sulok kung saan walang masyadong nakapapansin sa kaniya.
"Bakit ang lungkot mo?" untag s
