Ang sarap kumuha ng sandok para masandok ko na ang itlog nito. Nakakainis naman! Narinig ko ang tanong sa akin ni Terry kung papapasukin na ba niya rito sa opisina si Senator. Kahit naiinis ay agad akong tumango sa babae. Sinabi ko na lang kay Aline na siya na ang bahalang makipag-usap kay Senator sinto-sinto.
Mayamaya pa’y tuluyan ko nang nakita ang mukha ni Senator Ravo Escuder. At may kasama nga itong dalawang pulis at isang abogado. Umirap na lamang ako sa hangin. Kailangan kong magpakabait at baka lalo akong ikulong ng Senator na ito.
Lumapit si Terry kay Senator. Pasimple akong nagsinyas sa babae na mas palungkutin niya ang mukha niya upang maawa naman ito sa akin.
“Senator Ravo Escuder, ako na po ang humihingi ng paumanhin sa nagawa namin ni Leda. Nawala lang po siya sa kanyang s
