ILANG beses sinusubukan ni Cecilia na kausapin si Ephraim pero hindi siya makahanap ng tiyempo para makausap ito. Kung hindi ito palaging wala sa bahay ay palagi naman itong gabi na kung umuwi o hindi kaya ay palagi itong nasa opisina nito.
Tatlong araw na ang lumipas mula noong huli nilang pag-uusap ng binata. Ramdam niya na iniiwasan siya nito. Hindi ko alam kung bakit. May number siya nito pero natatakot naman siyang tawagan ito.
Napabuntong-hininga na lang siya habang ang mga mata ay nasa kawalan.
Kasalukuyan siya nasa portico. Nagpapahangin at sinusulit ang magandang panahon. Maaraw pero hindi 'yon masakit sa balat.
"Hey, beautiful pregnant!"
Naitirik ni Cecilia ang mga mata nang marinig ang pamilyar na boses ni Ezra. Humakbang ito palapit sa kanya at naupo sa bakanteng upuan na
