“Maganda kong tatanggapin mo ang kaso, Agent Hazel. Saka, talagang ikaw ang nararapat na humawak ng kaso ng iyong asawa. Lalo na at tagaroon ka rin sa Sta. Vanity. At heto ang mga picture ng mga taong pinaghihinalaan na gustong pumatay kay Mr. Barnes.”
Agad ko namang kinuha ang picture ng dalawang lalaki. Hindi ko sila kilala ngunit base sa mga mukha nila, sila ang tipo ng tao na ‘di gagawa ng maganda sa kapwa tao. Hanggang sa magsalita ulit si boss Zach.
“Ang unang picture ay si Mr. Arno, O. Isa siya sa mga pinaalis ni Mr. Barnes sa Sta. Vanity. Sa kadahilanang siya ang nagnakaw ng mga sako-sakong palay na pagmamay-ari ng pamilyang Barnes. At itong isa naman ay si Mr. Ornoy O. Magkapatid silang dalawa. Kasama rin niya sa pagnanakaw.”
“Boss Zach, kung pinaalis na sila ni Mr. Wallace B
