"Nagkasalubong kami sa mall dahil namili rin si Mr. Delgado roon. Medyo marami itong binili ko kaya tinunlungan niya na akong magdala nito, hanggang dito sa apartment ko. Um, kayo? Anong ginagawa n'yo rito ng dalawa at paano kayo nakapasok sa loob?" tanong ko.
"Pinapasok kami ng landlady mo dahil naghihintay kami riyan sa labas. Nakita ka raw niyang umalis kanina, kaya sabi ko naman, baka may bibilhin ka lang at hindi nga ako nagkamali sa isiping iyon]," pahayag ni Lindon.
"Nagtext ka sana sa akin, para papuntahin na lang kita sa mall. Namili kasi ako ng isusuot ko bukas para sa special number namin ni Mr. Delgado, at regalo ko na rin sa 'yo, Ms. Vegas," baling ko kay Chelsea, kahit hindi pa namin siya nabilhan ng regalo.
Nagsalubong naman ang kilay ni Thomson nang malaman niya na m
