Off ko ngayon kaya naman late na akong bumangon sa aking higaan. Maglilinis at maglalaba lang naman ako ngayon kaya bumangon na ako at kumain. Hindi ko na nadatnan sila nanay, at ang mga kapatid ko nang lumabas ako ng kuwarto ko. Kaya naman ako lang ang mag-isa ngayon dito sa bahay. Matapos kumain ay nag-umpisa na akong maglinis ng bahay, at pagkatapos ay ang paglalaba naman ang inasikaso ko. Pasado ala-una na nang matapos ako sa gawaing bahay kaya naman nagpahinga ako sa sala namin. Hindi ko namalayang nakatulog pala ako, marahil ay dahil sa pagod. Naalimpungatan na lang ako, dahil sa nag-iingay na cellphone ko. Bumangon ako at dinampot iyon sa mesa kung saan ko iyon ipinatong kanina, saka patamad na sinagot ang tawag.
“Hello,” inaantok kong sagot sa tawag.
“Hi! Did I disturb you?” tano
