Nang matanaw ko na ang bahay ay ginapangan ako ng kaba. Ayaw kong magkita si Race at si Mama hanggang maaari. Paniguradong magtatanong siya at ayaw ko muna sanang magkwento tungkol kay Race.
"Paano mo nalamang. . ." Hindi ko na rin itinuloy. Malamang alam niyang dito ako nakatira. Iniisip ko pa rin hanggang ngayon kung isa nga siya sa mga admirer or stalker ko. Pero sa inaasta niya ngayon, parang hindi naman.
Nagmadali akong lumabas. Kasunod ko rin siyang bumaba. Siguro ay para pagbuksan ako.
"P—Pasok na ako."
Hinintay ko siyang sumagot. Nang tumango ay dumiretso na ako para sa gate.
Naiilang ako kahit hindi alam kung bakit. Kung dahil ba sa away namin sa ospital o dahil sa nangyari kanina.
I don't think so. Tingin ko ay dahil iyon sa inaasta niya ngayon. At hindi ako sanay na ganyan
