Jhoyce's POV
"Sinabi mo 'yon sa kaniya? Nasaan na 'yong astig na Jhoyce na nakilala ko?" pang-aasar ni Ira sa akin. Napatakip naman ako sa mukha dahil sa hiya. Kinuwento ko kasi sa kaniya lahat ng nangyari noong pumunta kami sa Barrio Floresidad hanggang sa sinabi ko kay Franco 'yong mga katagang pinagsisihan kong sabihin.
"Kaya nga tulungan mo ako!" inis kong sagot. Napatayo ako sa upuan ko at tinignan siya. "Hindi ko alam ang gagawin ko kapag kaharap siya. Kanina nga lang na nagpaalam akong aalis para puntahan ka ay nahihirapan na ako. Paano pa sa mga susunod na araw? Nakakahiya, Ira! Nakakahiya talaga 'yong mga ginawa at sinabi ko sa kaniya."
"Asawa mo naman siya. Bakit ka nahihiya?"
"Naiintindihan mo ba talaga ako?" nakataas na kilay na tanong ko. Tumango naman ito at seryosong nak
