Jhoyce's POV
Nagising ako sa ingay na naririnig mula sa labas ng kwarto. Mukhang gising na ang ibang tao sa baba. Tinignan ko ang oras sa side table pero sobrang aga pa. Wala na rin si Franco sa kama, mukhang maaga ang gising nito. Balak na naman niya sigurong manggulo sa ibang tao.
Lumabas ako ng kwarto habang nag-uunat. Nakaramdam din ako ng gutom, siguro ay dahil hindi naman namin natapos ang pagkain kagabi. Papikit-pikit pa akong naglalakad dahil medyo inaantok pa ako. Pero nawala ang antok ko nang mapansin na nakatingin sina Carolline, Mommy ni Allen at 'yong kambal sa akin.
"Pasensya na po, hindi ko kayo nakita," sabi ko at agad na napayuko dahil sa hiya.
Nasanay ako na after magising ay lumalabas ng kwarto na hindi man lang nag-aayos. Sure akong magulo ang buhok ko at baka may
